Tirohanga Māori

He Mihi

E ngā mana, e ngā reo, e ngā karangatanga maha, tēnā rā koutou katoa. Nau mai, tomo mai ki te wāhi e noho tangata whenua ai te reo Māori. Kuhu mai rā kia kōrerohia ngā tini take e hāngai ana ki tō tātou nei piringa, Te Puni Tiaki Taonga o Whanganui, ki āna taonga, ki ōna tangata anō hoki, heoi anō, ki ngā take a Ngāi Māori.

He tuatahi te whārangi reo Māori anake nei mō Te Puni Tiaki Taonga o Whanganui, heoi, kua roa nei e wawatahia ana. Ko te tumanako, ka kitea āna hua, ka kāinga tana reka, ā, nā wai rā nā wai rā ka puawai haere hei painga mō tātou te hunga kōrero Māori! Kia kaha rā ki te whakapā mai kia whakamāramahia mai ōū whakaaro ake mō te taunga nei e rere ai te reo.

E rere taku manu,
taku kūao manu reo,
topa atu topa mai,
e tiu, tipitipi,
ki raro, ki runga,
ki wī, ki wā.
Kapakapa parirau,
hei kakawe i a koe,
ki te pae o te rangi,
ki te pae whenua.
Tau atu, tau iho,
ki taringa whakarongo,
tiotio, ketekete,korokī atu rā e…i!

 

FEATURED PHOTO

This is a photograph, taken in the 1920s, of the interior of A D Willis, printers and booksellers of Whanganui. The company was established in 1872. From the outset, printing and the associated trades of bookbinding and stationery manufacture were the focus of the company. A D Willis was a stockist of books, stationery, fancy goods, games and novelties, with an extensive stock of newspapers and periodicals.