Hei aha kē tēnei tūranga te Kaitiaki Taonga Māori?

 

Te Tūranga Nei 
Tīmata ai te tūranga nei, i te Hune o 2010, hei tūtuki i tētehi moemoea kua roa e wawatahia ana e te Poari Māori o konei (Tikanga Māori House) arā, he ringaringa, he waewae, he ngākau Māori hei tiaki i ngā kaupapa ā te Māori ki ō ngā Māori tikanga, ki tā te Māori kawenga; kia whakamana ai i te ahurea nui whakaharahara, kia pono ai te kōrero ā Te Puni Tiaki Taonga o Whanganui,

Koinei tētehi wāhi e whakamana ana i te kākano ruatanga.

Ka arahina, ka kōkiritia ngā āhuatanga Māori. Ki te kore he māramatanga o ngā kaimahi me ngā tūao o konei, ka whakaakohia, nā, ka noho hei kaitiaki i ngā tikanga, i ngā kawa ā Ngāi Māori i te piringa nei.

Ko tētehi atu mahi ā te Kaitiaki Taonga Māori, ko te noho hei kaitakawaenga i ngā iwi, ngā hapū, ngā whānau, ngā tāngata me te piringa nei. Māna rānei tētehi e kimi; e tohu kia tūtukihia ai ngā wawata.

Ka kōkiri kaupapa ki ngā māramatanga ō ngā tikanga Māori e tika ana, hei arahi i ngā kaimahi me ngā tūao ō roto mai nei i te Te Puni Tiaki Taonga o Whanganui, ā, ki te kore rātou i mōhio ki te tikanga, ka whakaakohia ki te tikanga.

Me pewhea au āwhina atu ai?
Inā he pātai āū, he hiahia rānei kia kōrerorero ki tētehi o te takiwā nei, engari e hiahia ana ki te kōrero ko tōū kanohi Māori nei, tēnā whātoro mai, māku koe e āwhina. Kia haere koe ki te nanao atu ki āū taonga ō roto mai nei, kia kimi māramatanga rānei, kia kimi i te ara kōkiri i āū take rānei, māku koe e tautoko, e arahi rānei ki te tangata tika inā tē taea nei e au.

Whātoro mai
Āwhina Twomey
awhinat@wrm.org.nz
06 349 1110

FEATURED PHOTO

This is a photograph, taken in the 1920s, of the interior of A D Willis, printers and booksellers of Whanganui. The company was established in 1872. From the outset, printing and the associated trades of bookbinding and stationery manufacture were the focus of the company. A D Willis was a stockist of books, stationery, fancy goods, games and novelties, with an extensive stock of newspapers and periodicals.